Rumania dhe Zvicra do të sfidohen në javën e dytë të “Euro 2016” në Gurpin A. Fitues në debutimin e saj, 1-0 ndaj Shqipërisë, kombëtarja helvete do të përballet në “Parc des Princes”, në Paris, me Rumaninë, e cila edhe pse humbi 2-1 ndaj Francës, befasoi me performancën e saj.
Trajneri i rumunëve, Jordanescu, duhet të konfirmojë variantin takit 4-2-3-1, ku linja mbrojtëse përpara portierit Tatarusanu mund të formohet nga Sapunaru, Chiriches, Grigore dhe Rat. Drejt konfirmimit edhe dyshja e qendrës, Hoban dhe Pintilii, ndërsa në sulm Andone duket pak më i favorizuar nga Aibec. Treshja në mbështetje të “puntës” së vetme pritet të jetë e përbërë nga Stanciu, Stancu dhe Popa.
Për sa i takon Zvicrës, trajneri Petkovic sërish do t’i besojë modulit 4-3-3 dhe portierit Sommer mes shtyllave, si dhe një linje mbrojtëse, që shikon nga e djathta në të majtë: Lichtsteiner, Schra, Djourou dhe Rodriguez. Çelësat e mesfushës pritet t’i besohen Granit Xhakës me Valon Behramin dhe Dzemailin në krahët e tij. Në sulm drejt konfirmimit është tredhëmbëshi i përbërë nga Shaqiri, Seferovic dhe Mehmedi, por edhe Embolo.
