Dy persona me maska kanë grabitur shtëpinë e një bizesmeni në qytetin e Shkodrës duke marrë 3 milionë lekë.
Grabitja ka ndodhur katër ditë më parë, kur në shtëpinë e B.B., ndodhej vetëm nëna e tij e moshuar. Ajo u ka hapur derën dy grabitësve duke menduar se është ndonjë i afërm, kurse këta të fundit e kanë lidhur të moshuarën dhe më pas kanë nisur kontrollin në banesë. Sipas denoncimit të bërë në polici, grabitësit kanë arritur të marrin rreth 3 milionë lekë.
Grabitja e ndodhur është konfirmuar për “Panorama” nga zyra e shtypit në drejtorinë vendore të policisë së Shkodrës edhe pse nuk ka komunikatë për këtë ngjarje. Ndërkohë, dy personat nuk janë identifikuar ende dhe ngjarja e ndodhur ka mbetur pa autor.
