Pas takimit me kreun e Kuvendit, kryeministri Edi Rama po takon ambasadorin Donald Lu në Kryeministri. Reforma në drejtësi, sipas burimeve do të jetë çështja kryesore, pas mosgjetjes së konsensusit mes maxhorancës dhe opozitës.
Mësohet se pas takimit, Rama do të dalë para mediave për një konferencë për shtyp për reformën në drejtësi apo me gjasa për t’i kthyer përgjigje kreut të opozitës, Lulzim Basha lidhur me pikën 88 të rekomandimeve të Venecias që ai ka kërkuar.
