Klubet e Kosovës po bëjnë investime serioze pas mundësisë së zhvillimit të ndeshjeve ndërkombëtare pas pranimit në UEFA.
I pari që po tregon më së miri një gjë të tillë është klubi i Prishtinës, i cili ka zyrtarizuar marrëveshjet me tre ishfutbollistë të kombëtares shqiptare të futbollit.
Që nga ky sezon, pjesë e Prishtinës do të jenë tre lojtarët të cilët kanë luajtur së bashku edhe në kampionatin ukrainas me Vorskla Poltavën: Armend Dallku, Debatik Curri dhe Ahmed Januzi.
