Kryebashkiaku i Kavajës, Elvis Rroshi ka përdorur dhe identitete të tjera të cilat po publikohen sot nga mediat.
Ora News mëson se përveç Elvis dhe Ervin Rroshi, kryebashkiaku i Kavajës ka mbajtur edhe dy emra të tjerë, Enver Rroshi dhe Bashkim Hallulli.
Rroshi përvec 4 emrave ka përdorur dhe dy mbiemra të ndryshëm nga ai Rroshi.
Përveç mbiemrit Hallulli, Rroshi ka mbajtur edhe një mbiemër tjetër i përafërt me mbiemrin aktual. Kështu, Rroshi është quajtur edhe Enver Proshi.
“Ndërkohë, nga të dhënat e deritanishme, janë siguruar informacione se shtetasi Elvis Rroshi ka përdorur 5 emra të ndryshëm në disa vende të Europës”, thuhet në dosjen e Prokurorisë.
Kreu i Bashkisë së Kavajës u arrestua sot me urdhër të gjykatës, duke u akuzuar për falsifikim dokumentesh.
