Dhuna e tifozëve rusë para ndeshjes Angli-Rusi, ka ngjallur reagim të ashpër të mediave dhe gazetarve më të njohur në Britaninë e Madhe.
Shkrimtari britanik Guy Walters ka bërë një koment në ‘Daily Mail’ duke i cilësuar si “fytyra e reja të Rusisë”.
“Të veshur me atlete dhe T-shirt, dhe secili me tatuazhe, huliganët rus kanë një identitet të tyrin. Ata janë të dhunshëm dhe të pamëshirshëm. Kjo është fytyra e re e Rusisë”, shkruan autori në një koment për Daily Mail.
“Ne jemi burra të fortë, shumica nga ushtria dhe policia”, kështu mësohet të ketë deklaruar një prej tifozëve në FB para një ndeshjeje në shkurtin e kaluar.
“Nuk jemi çupëlina si britanikët që vishen me Lacoste dhe këpucë femrash”, deklaronte një tjetër.
Sipas Guy Walters qëllimi i huliganëve rusë është të shkaktojnë sa më shumë trazira “pasi atyre u pëlqejnë të përleshen”.
