Përfaqësuesja gjermane e ka filluar mirë Kampionatin Evropian duke mundur 2:0 Ukrainën. Qendërmbrojtësi Shkodran Mustafi shënoi me kokë në minutën e 19-të dhe i zëvendësuari Bastian Schweinsteiger në kohën shtesë i dhanë tre pikët gjermanëve.
Gëzimi i tyre ishte i madh. “Ishte një ndeshje klasike,” deklaron Sami Khedira. Trajneri Joachim Low tregohet më i matur: “Gjatë pjesës së parë kemi humbur shumë topa, në organizimin e lojës duhet të përmirësohemi.” Nga kualitetet e xholit të zëvendësuar Schweinsteiger, Low shprehet i befasuar: “Nuk ishte e planifikuar, që ai të shfaqej aq përpara. Detyra e tij ishte të sillte qetësinë në mesfushë defensive.”