Shefi i stacionit të Policisë në Shishtavec dhe 3 inspektorë janë arrestuar në flagrancë, pasi kanë lejuar kalimin e një sasie të madhe kafe kontrabandë. Sipas burimeve zyrtare janë vënë në pranga shtetasit:
– Agim Berisha, 48 vjeç, me detyrë shef i stacionit të Policisë Shishtavec
– Agron Nela, 41 vjeç, inspektor me detyrë trupe shërbimi në Stacionin e Policisë Shishtavec
– Mursel Memishaj, inspektor me detyrë trupe shërbimi në Stacionin e Policisë Shishtavec
– Mirel Dalaci, 40 vjeç, inspektor me detyrë trupe shërbimi në Stacionin e Policisë Shishtavec.
Policia thotë se arrestimi i efektivëve të policisë u bë sot në orët e para të mëngjesit, pasi në datë 11 qershor 2016 kanë lejuar kalimin në PKK Shishtavec të automjetit tip “Scania” me targë AA763DC, i cili transportonte 16 800 kg kafe kontrabandë, ndarë në 280 thasë me peshë 60 kg secili.
Materialet i kaluan Prokurorisë së Rrethit Gjyqësor Kukës, për veprën penale “Shpërdorim detyre” kryer në bashkëpunim.
