Kryeministri i Britanisë së Madhe, David Cameron, ka deklaruar se Turqia nuk ka asnjë shans të anëtarësohet në Bashkimin Evropian në të ardhmen e afërt, për të bindur kështu kampin pro brexit të votojë për qëndrimin e vendit të tij në union në referendumin e 23 qershorit.
Cameron tha se procesi i anëtarësimit të Turqisë në BE kërkon dekada, teksa ripërsëriti benefitet financiare dhe tregtare të qëndrimit të Britanisë në Bashkimin Evropian.
“Turqia nuk ka asnjë mundësi reale të anëtarësohet në Bashkimin Evropian në të ardhmen e afërt. Nuk ka asnjë perspektivë që Turqia të anëtarësohet në Bashkimin Evropian, ky proces kërkon dekada. Ju nuk mund të citoni ekspertë mbi këtë temë, siç keni bërë tani dhe që thonë se kjo do të ndodhë, pasi kjo nuk do të ndodhë”, tha Kameron.
Kameron më tej tha se të ekonomia e vendit do të përfitonte më shumë, nëse Britania qëndron brenda Bashkimit.
Një prej sondazheve të fundit të publikuar të shtunën i dha avantazh me dy pikë mbështetësve të idesë për qëndrim të Britanisë në union, teksa sondazhet e tjera më të hershme kanë treguar mbështetësit e brexit në avantazh.
