Shtete e Bashkuara të Amerikës kanë mundur 1-0 Paraguajin në ndeshjen e tretë të Grupit A dhe kanë siguruar kalimin në fazën çerekfinale të Kupës së Amerikës. Sfida është vendosur nga një gol i Dempsey në minutën e 27-të.
Në të njëjtin grup është kualifikuar edhe Kolumbia, pavarësisht se është mundur 3-2 nga Kosta Rika. Trajneri Pekerman ka aktivizuar një numër të madh rezervash për shkaka se e kishte siguruar kualifikimin. Protagonisti i takimit ka qenë Fabra, i cili ka qenë autor i një goli dhe i një autogoli. Kupa e Amerikës ka rrezikuar të humbasë menjëherë zotët e shtëpisë, por SHBA nuk ka gabuar në ndeshjen më të rëndësishme, duke mundur me rezultatin 1-0 Paraguajin dhe duke u kualifikuar si kryesuese e Grupit A falë diferencës së golave.
Takimi është vendosur nga një gol i Dempsey në minutën e 27-të. Sulmuesi amerikan ka befasuar portierin kundërshtar me një goditje qendrore. Ndërsa takimi i Kolumbisë është zhbllokuar nga Venegas pas vetëm 2 minutash lojë më një goditje me hark. Barazimi për “Cafeteros” ka ardhur me Fabra në minutën e 6-të. Mbrojtësi ka kthyer në avantazh Kosta Rikan me një autogol në minutën e 34-t, para se Borges të çonte shifrat në 3-1 në të 58-ën. Duran ka fiksuar rezultatin në 3-2 në minutën e 73-të.
