Shkëlzen Gashi është shprehur se tashmë skuadra e ka harruar atë që ndodhi ndaj Zvicrës dhe ka theksuar se janë të fokusuar në ndeshjen e radhës ndaj Francës
Në rrjetin social Facebook nëpërmjet në postimi sulmuesi i kombëtares së Shqipërisë, Shkelzen Gashi, ka shkruar se skuadra ka analizuar ndeshjen e kaluar, në të cilën kishte shumë gjëra pozitive që duhet t’i shfrytëzojnë kundër Francës.
“Ne e kemi analizuar ndeshjen, kishte shumë gjëra pozitive, të cilat t’i shfrytëzojmë të mërkurën. Jemi të fokusuar në ndeshjen e radhës”, ka shkruar Gashi.
Gashi ka qenë në mesin e të kritikuarve pas ndeshjes me Zvicrën, ku humbi një rast të 100% në fund të ndeshjes, duke mos shënuar i vetëm me portierin. /Albeu.com/
