Rachel Myers, është një 48- vjeçare angleze nga Richmond, Surrey, e cila nisi të kishte dyshime prej disa sjelljeve të partnerit të saj, si sëmundje të papritura, vonesa etj.
Kështu vendosi që të kontrollojë kompjuterin e tij dhe nga aty zbuloi se e tradhtonte. Ajo zbuloi një sërë bisedash me femra të ndryshme në sajte njohjesh, duke kuptuar se me disa prej tyre kishte konsumuar edhe marrëdhënie seksuale.
“Prej vitesh isha mosbesuese, por ai më bënte të ndihesha paranoiake. Urrej të fusë hundët, por nuk kisha zgjidhje tjetër. Kur zbulova gjithçka në muajin janar, u ndjeva më në fund një grua e re”, tregon Rachel për ‘Daily Mail’, e cila pas asaj eksperience vendosi të ndryshojë jetë.
Ajo ka hapur një agjenci investigimi, e specializuar për zbulimin e tradhtive. Duke shfrytëzuar eksperiencën e saj, ajo peshkon meshkujt e prirur për tradhti në chat dhe përgjigjet e tyre ua tregon bashkëshorteve. Deri më tani është një punë me kohë të pjesshme dhe në kurthin e saj kanë rënë 54 burra. Rachel thotë se do të jetë ndihmë për gjithë gratë që jetojnë me dyshimin se i tradhton partneri.
