Jeni tashmë 30 vjeçe dhe jeni ende vetëm, mos u frikësoni: Për të gjetur një të dashur në moshën 30-vjeçare mund të jetë më e lehtë se sa në moshën 20-vjeçare, nëse ndiqni disa këshilla të thjeshta.
Përvoja e fituar gjatë viteve mund të jetë një litar shpëtimi për të shmangur zhgënjimet.
Mos u mbyllni në shtëpi. Sigurisht gjëja e parë për të mbajtur në mend është se ju nuk keni gjasa t’jua dërgojnë me postë në shtëpi të dashurin… Pra mos u bëni përtace. Kujdes me efektin social: Nëse për të gjetur një të dashur në Facebook në të 20-at mund të jetë kënaqësi e thjeshtë, në të 30-at mund të jetë më e komplikuar.
Frekuentoni vendet e duhura. Për të njohur njerëz të rinj dhe potencialisht interesant frekuentoni vende ku ju e dini që do të jetë më e lehtë për të bërë miq të rinj. Nga darkat në shtëpinë e miqve që gjithmonë ju rrethojnë njerëz të ndryshëm në një kurs të veçantë. Në fakt, nuk nënvlerësohet as fuqia e hobive tuaja. Duke ndjekur pasionet tuaja mund të gjeni një “princ” që ndan të njëjtat pasione me ju.
Mos jini tepër e ngurtë. Në moshën 30-vjeçare, dhe ndoshta pas zhgënjimeve, mund të ndodhë që të mbylleni dhe të krijoni zakone dhe skema, duke u bërë shumë selektive. Ndaj përpiquni të ndryshoni shprehitë tuaja kur ju ndiheni të gatshëm për të hapur botën dhe hapësirat tuaja në praninë e një personi tjetër. Në fillim do të duket e vështirë, por përpjekja do të shpërblehet.
Përtej paraqitjes. Një tjetër rregull i rëndësishëm është që të mos fiksoheni vetëm tek paraqitja. Në moshën 20-vjeçare, është e lehtë të biesh në grackën e princit të bukur flokëverdhë, muskulor dhe me sytë e akullt, por në moshën 30-vjeçare duhen marrë në konsideratë virtyte të tjera. Në të 30-at vlerësoni një njeri me të cilin qeshni dhe të flisni për orë të tëra.
Besoni në veten tuaj. Gjithashtu mos harroni se në 30-at do të arrini një vetëdije më të madhe për veten dhe fuqinë tënde.
Mësoni nga përvojat e kaluara. Nëse keni ardhur në të 30-at me disa histori para, natyrisht ju mund të mbështeteni në një pasuri të madhe të përvojës. Mbani mend, pra, gabimet e së shkuares që të mos i përsërisni në të ardhmen.
Burimi: DireDonna
