Granit Xhaka fitoi sfidën me vëllain Taulant me një gol të shënuar që në minutën e 5-të të takimit. Megjithatë, kjo fitore nuk ka ardhur pa vështirësi për të. “Shumë e vështirë të luash kundër vëllait, por kemi dhënë maksimumin si ai për Shqipërinë, ashtu edhe unë për Zvicrën. Treguam që jemi profesionistë’, tha ai.
Graniti u jep kurajo kuqezinjve.
“Mendoj se Zvicra e meritoi fitoren. Nëse luajnë si sot në pjesën e dytë, Shqipëria ka mundësi të kualifikohet”, deklaron Xhaka.
Graniti, që tashmë është lojtar i Arsenalit falenderoi tifozët shqiptarë.
“Kam menduar se jemi në Tiranë këtu dhe tifozët kanë qenë shumë të mirë”, deklaroi në një intervistë për Top Channel.
