“Ça bon”, operacioni i koduar i policisë italiane që prangosi 22 shqiptarët është filmuar në një video të publikuar për media. Pamjet tregojnë disa nga shqiptarët që u arrestuan nga policia italiane me dyshimet e trafikut të drogës.
Sipas policise italiane, operacioni i sotëm “Ça Bon 2” është vijim i atij finalizuar në Janar 2014, koduar nr.1 “Ça bon” .
Grupi kriminal vepronte prej disa vitesh në Itali, ndërkohë që bazën logjistike e kishte në ultësirën e Torvaianica, Pomezia dhe Ardea. Gjatë aksionit janë gjetur dhe konfiskuar rreth 350 kg marijuanë, 500 gram kokainë, armë etj.
Operacioni ka qenë një bashkëpunim aktiv me Skuadrën e Shpejtë të Ankonës, Kuneos, Padovës, Pratos dhe Viterbos. Në të u angazhuan rreth 100 karabiniere, pjesë e departamenteve të hetimit dhe njesive speciale të Policisë së Shtetit.
