Me burgim të përjetshëm u dënua nga Gjykata e Selanikut një 64-vjeçar grek, i cili akuzohet për grabitje me pasojë vdekjen e tezes së tij 78-vjeçare në vitin 2014.
64-vjeçari ishte organizatori i grabitjes, i cili kishte “punësuar” një 25-vjeçar shqiptar për të kryer grabitjen e banesës. Shqiptari kishte marrë edhe dy persona të tjerë për të kryer grabitjen.
Ata torturuan dhe dhunuan deri në vdekje të moshuarën dhe më pas u arratis, dyshohet drejt vendit tonë, dhe ende nuk është kapur. Organizatori 64-vjeçar kishte dijeni se tezja e tij kishte bërë një tërheqje prej 120 mijë Euro nga banka.
Sipas dosjes hetimore, grabitësit thyenë xhamin e derës dhe keqtrajtuan deri në vdekje të moshuarën duke mundur të merrnin vetëm 60 mijë Euro dhe disa bizhuteri. Më pas, hetimet zbuluan se pas këtij krimi, fshihej 64-vjeçari grek, si organizator i ngjarjes.
