E dini besoj si funksionon në Shqipëri. Ca të nënës e ca të njerkë! Dikush ka një mik, dikush jep ryshfet një tjetër është çun lagje, ndërsa për të tjerët ligji funksionon me gjithë rreptësinë e tij. Edhe policia bashkiake ndjek disa herë rregullin komik: një po, një jo, një ndoshta, kur vendos tasat në rrugë.
Një situatë që përsëritet përditë e ka dhënë shfaqen e radhës në “Komunën e Parisit” në Tiranë. Policët bashkiakë shkuan, panë, vepruan! Vetëm se nuk vepruan ashtu siç duhet. Nga tre makina që kishin parkuar në kundërshtim me tabelën, vendosën dy tasa dhe e treta për arsye “misterioze” nuk u bllokua nga tasi i kthyer në makth, shkruan Jeta osh qef.
Të tjerat nuk duan koment. Nëse ligji zbatohet me përzgjedhje, qytetarët nuk janë kurrë të kënaqur. Ata duan barazi dhe proporcionalitet.
