Një ditë pas shkëmbimit të zjarrit, mes policisë dhe pjesëtarëve të fisit Çapja, policia e Elbasanit vuri në pranga 8 persona.
Të arrestuarit janë: Florenc Çapja, Ardjan Çapja, shoku i tyre Bledar Muça, Ambri Sinakoli, Fiqiret Meçe, Serxhio Hakilja, Kastriot Peqini, Jetmir Shehu. Muça 4 ditë më parë mbeti i plagosur lehtë në një atentat që u bë ndaj Florenc Çapjes. Ky i fundit i shpëtoi plumbave.
Ditën e djeshme, ata qëlluan me armë zjarri mbi një makinë civile të policisë që patrullonte pranë banesës së familjes Çapja duke menduar se mos ishin kundërshtarët që do bënin sërish atentat.
Policia njofton se gjatë kontrollit në disa banesa të fisit Çapja në Elbasan, u gjetën armë dhe municione.
