Vendosja pa kriter e shtyllave që përcjellin energji elektrike ka shkaktuar një aksident në afërsi të Yzberishtit në Tiranë. Siç shihet edhe nga fotot që kanë mbërritur në Boldnews.al, shtylla është vendosur në rrugë, pra në asfaltin ku zakonisht duhet të kalojnë automjetet.
Në këtë aksident pyetja që shtrohet është: Çfarë donte shtylla në mes të rrugës? Kush e ka lejuar një gjë të tillë? A duhet që OSHEE të dëmshpërblejë pronarin e këtij automjeti?
Normalisht, dëmet në këtë automjet janë të dukshme dhe me të drejtë mund të kërkojë dëmshpërblim financiar. “Gabimi” i vetëm i drejtuesit është se i doli shtylla, që është ngulur rreth një metër në asfalt!
