Shoferi i Gjykatës së Apelit në Tiranë ka denoncuar në polici kryetarin e Gjykatës se e ka goditur me grusht.
Në një njoftim për mediat policia thotë se ngjarja ka ndodhur sot në ambientet e Gjykatës dhe se konflikti ka ndodhur për shkak të marrëdhënies së punës.
“Sot më datë 09.06.2016 rreth orës 11:00 në Komisariatin e Policisë nr 1 Tiranë është paraqitur shtetasi K. M., 25 vjeç, lindur në Vlore dhe banues në Tiranë, i cili kallëzon se ka qenë i punësuar me detyrë shofer i administratës pranë Gjykatës së Apelit Tiranë dhe sot rreth orës 09:30 duke qenë në ambientet e Gjykatës së Apelit Tiranë, është konfliktuar për shkak të marrëdhënies së punës që ka pasur dhe pretendon se është goditur me grusht nga Kryetari i Gjykatës së Apelit Tiranë shtetasi Hysni Demiraj, 54 vjeç, lindur në Tropoje dhe banues në Gjirokastër, rezident në Tiranë”, deklaron Policia.
