Ermira Mehmeti përfundimisht largohet nga politika dhe nga partia shqiptare në pushtet, Bashkimi Demokratik për Integrim.
Portali nga Shkupi Lajmpress nga “burime të sigurta” mëson se pas dy javësh Ermira Mehmeti do të emërohet notere në rajonin e qytetit të Shkupit. Vendimi do të merret nga ministri i Drejtësisë, Valdet Xhaferi i cili do ta nënshkruajë vendimin që deputetja aktuale, Ermira Mehmeti të marrë vendimin për notere dhe të hapë zyrën e saj në Shkup.
Duket se ky vendim ka lidhje me skandalin e përgjimeve dhe me bisedën erotike ku u përfshi Mehmeti. Madje ajo edhe gjatë një aktiviteti politik në Tiranë tha se nuk e dinte nëse ja vlente ende të vazhdonte në politikë.
Ermira Mehmeti është e njohur në opinion që nga viti 2002. Një kohë të gjatë ka punuar si këshilltare e liderit partiak Ali Ahmetit dhe e ish-zëvendëskryeministrit Musa Xhaferi. Më pas u bë deputete në Parlamentin e Maqedonisë dhe ishte angazhuar në pozitat më të larta në parti.
