Ministri i Brendshëm Sajmir Tahiri ka reaguar në lidhje me pezullimin e Haki Çakos nga detyra e Drejtorit të Përgjithshëm të Polisisë së Shtetit, duke thënë se gjyqtari Aliaj është i korruptuar.
Ja reagimi i Sajmir Tahirit:
Sot duhet të ndajmë nëse në sistemin e drejtësisë na duhen gjyqtarë që vendosin për qytetarin dhe jo për më të pasurin. Jo të korruptuar në prokurori dhe gjykata që janë peng i atyre që i kanë mbrojtur dhe emëruar. Dje publiku u bë me dije për një vendim gjykatë pas kërkesës së prokurorisë për pezullimin e kryepolicit. Po kush është gjyqtari që vendosi për pezullimin? Është një gjyqtar i shkarkuar për korrupsion dhe mos përmbushje të detyrës. Ka liruar nga burgu të paktën 7 herë njerëz të dënuar për vepra të rënda penale. Si mund të kthehet në detyrë një gjyqtar që liron nga burgu një përdhunues, një vrasës, një njeri që vjedh me armë. Si mund të kthehet në detyrë një gjyqtar që ka dhënë prova dhe është shkarkuar se ka shkelur ligjin. Dhe sot ka guximin të shkelë ligjin me të dyja këmbët. Ky është fytyra e vërtetë e atyre që sot mbrohen nga ata që nuk e duan reformën në drejtësi. Ky Aliaj është fytyra e vërtetë e gjyqtarëve të korruptuar në sistemin e drejtësisë. Përfaqësuesi më evident i korporatës së të korruptuarve dhe shërbëtorëve politikë që janë të gatshëm të bëjnë gjithçka se detyrën e kanë dhuratë nga pushteti. Ky Aliaj që liron vrasësit, përdhunuesit dhe për arsye procedurale është kthyer në detyrë përfaq2ësueis më evident i prokurorëve4 dhe gjyqtarëve të qelbur nga koka që nuk duan reformën në drejtësi dhe duan të mbajnë Shqipërinë peng. Për ata që deri dje ishin në qeveri dhe që sot i thonë vetes opozitë dhe që mbajnë peng sistemin e drejtësisë, reformën në drejtësi duan vende të rezervuara. Ça janë? Bunkeri i sigurt ku duan të fusin gjyqtarë alla Aliaj, prokurorë të çdo lloji të qelbët për ti mbrojtur dhe për ti lënë pjesë të sistemit të drejtësisë. Vendi i rezervuar është vend parkimi i të korruptuarve të sistemit të drejtësisë.
