Një zjarr i madh ka rënë në fshatin Tërbuq, rreth 20 km në verilindje të Gjirokastrës, ku është përfshirë nga flakët një banesë. Mësohet se banesa është në pronësi të shtetasit Fotaq Llongo. Fatmirësisht asnjë person nuk është lënduar.
Pavarësisht ndërhyrjes së forcave zjarrfikëse, të cilat kanë punuar intensivisht për shuarjen e flakëve dhe lokalizimin e tyre, zjarri ka shkrumbuar pothuajse gjithë banesën.
Sipas shefit të zjarrfikësve deri më tani është shkrumbuar gati 80% e banesës ku ka shpëtuar vetëm një dhomë nga 5 të tilla. Dëmet kanë qenë kolosale me vlerë gati 45 milionë lekë të vjetra. Zjarrfikësit kanë shmangur flakët nga banesat e tjera.
