Policia e Durrësit ka arrestuar dy të rinj pasi iu gjetën disa doza kanabisi. Gjatë shoqërimit në polici, të arrestuarit kanë kundërshtuar dhe goditur punonjësit e policisë.
25-vjeçari Jurigert Pëllumbi dhe24-vjeçari Arjonit Zoku, të dy banues në Durrës iu gjetën dhe iu sekuestruan në cilësinë e provave materiale disa doza kanabis.
Shtetasit e mësipërm, gjatë shoqërimit për në polici, kanë kundërshtuar dhe kanë goditur punonjësit e policisë.
Gjithashtu, gjatë kontrollit të banesave i’u gjetën dhe i’u sekuestruan në cilësinë e provave materiale fara të dyshuara të llojit Cannabis Sattiva; një fishek pistolete i kalibrit 9 mm(në banesën e shtetasit Jurigert Pëllumbi).
Shtetasit e mësipërm, gjatë shoqërimit për në polici kanë kundërshtuar dhe kanë goditur punonjësit e policisë.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale ”Prodhimi dhe shitja e narkotikëve”, “Prodhimi dhe mbajtja pa leje e armëve luftarake dhe e municioni” dhe “Goditjet për shkak të detyrës” në ngarkim të shtetasit Jurigert Pëllumbi parashikuar në nenet 283/1, 278/3 dhe 237 të Kodit Penal; ”Prodhimi dhe shitja e narkotikëve”, ”Kultivimi i bimëve narkotike”dhe “Goditjet për shkak të detyrës” në ngarkim të shtetasit Arjonit Zoku parashikuar në nenet 283/1, 284 dhe 237 të Kodit Penal.
