Policia e Tropojës ka zbuluar dhe asgjësuar 400 rrënjë bimë narkotike kanabis sativa.
Duket se vëmendja po kalon në veri të vendit pasi ditë e fundit rastet e zbulimit të parcelave me bimë narkotike kanë qenë të përsëritura në jug.
Rrënjët e kanabisit u asgjësuan në Tropojë, në vendin e quajtur “Lugu i Zi” gjatë ditës së djeshme.
Bimët narkotike ishin mbjellë në një sipërfaqe toke me shkurre, të përshtatur si parcelë. Efektivët e komisariatit të Tropojës po punojnë për identifikimin dhe kapjen e autorëve të kultivimit të bimëve narkotike, për shkak se kanabisi ishte mbjellë në tokë pa pronarë.
