Mazhoranca do ta çojë në Kuvend draftin për reformën në drejtësi edhe pse ajo tashmë ka 89 vota dhe i duhet edhe 5 të tjera. Pas dështimit përfundimtar të konsensusit për ta miratuar këtë draft, flitet se orët e fundit do të përcaktojnë se këto vota 5 vota që mungojnë mund të rrjedhin nga PD.
Kjo, edhe si pasojë e kërkesës së hapur të BE-së, që tha se deputetët kanë përgjegjësi personale dhe duhet ta votojnë reformën.
Por, PD ka paralajmëruar Ramën dhe deputetët e saj. Oerd Bylykbashi thotë se nëse ndodh, ky skenar do të provokonte një krizë të gjatë politike. “Nëse mendon që mund të bëjnë 94 vota me mënyra jo ortodokse, kriza politike do të jetë shumë e gjatë” deklaroi deputeti i PD për Ilva Taren. Nëse nuk arrihen votat, zgjidhje tjetër shikohet edhe referendumi dhe zgjedhjet e parakohshme
