Për herë të parë në historinë e Sirisë, një femër, anëtare e partisë Bat të presidentit Bashar Al Asad është bërë kryetare e Parlamentit.
Hadia Abas, 58 vjeç fitoi në zgjedhjet për kryetar të Parlamentit në seancën e sotme që u konstituua në prill, transmeton Asociated Press.
Hadia Abas është inxhiniere e diplomuar e bujqësisë. Siria ka mbajtur dy sesione të parlamentit që nga fillimi i luftës në vitin 2011, ku deri më tani janë vrarë më shumë se 250 mijë njerëz, bën të ditur agjencia e lajmeve amerikane.
