Me rritjen e temperaturave shumë persona i drejtohen plazhit për të kaluar ditën e tyre të pushimit. Si pasojë, fluksi i makinave në autostradën Tiranë -Durrës është rritur duke shtuar trafikun e qarkullimit të makinave si dhe numrin e aksidenteve.
Sot, ka nisur keq e diela e pushimit për disa persona. Dy automjete janë përfshirë në aksident këtë mëngjes në zonën e plazhit në Durrës, fatmirësisht pa viktima.
Dëme të shumta materiale ka shkaktuar përplasja mes makinave, nuk dihet ende për çfarë arsye.
Aksidenti 2
Qytetarët kanë dërguar në Boldnews.al një tjetër foto ku tregon një aksident në autostradën Tiranë -Durrës. “Shkak i aksidentit është trafiku i rënduar” është shprehur qytetari.
Aksidenti 3
Një tjetër aksident është shënuar në autostradën TiranëDurrës, nga përplasja e dy automjeteve, edhe ky pa të lënduar. Për shkak të aksidentit është krijuar radhë kilometrike e automjeteve.
Aksidenti 4
Sakaq, në autostradën TiranëDurrës, katër automjete janë aksidentuar si pasojë e mosrespektimit të distancës së sigurisë. Nuk ka të lënduar por vetëm dëme materiale.
