Kryeministri Edi Rama pavarësisht se shfaqet si mbrojtësi më i madh i grave, shpesh del nga natyra duke treguar tendenca arrogance ndaj gjinisë së kundërt. Kjo u pa më së miri edhe gjatë ditës së sotme, në Forumin e Gruas Socialiste.
Teksa hynte në sallë një Rama u mirëprit me duartrokitje nga gratë socialiste. Pasi u ul në rreshtin e parë, një ndihmëse e tij u afrua e përulur për t’i dhënë dosjen e kuqe. Por kryeministri u ndje i bezdisur, dhe me një shenjë arrogance i la të kuptohej që të “zhdukej” bashkë me dosjen.
Madje, kryeministri Rama u ndje aq në siklet saqë preferoi të ulej me deputetin socialist Pandeli Majko dhe jo me bashkëshorten e tij Linda Rama, që e ndante një karrige më tej. Në disa fragmente Rama shkëmbente biseda me Majkon, ndërkohë që tregoi një mospërfillje ndaj Elisa Spiropalit që e kishte në krah.
Kjo nuk është hera a parë që kryeministri Edi Rama shfaq arrogancë ndaj grave. Më herët në parlament ai është përplasur disa here me deputete të Partisë Demokratike.
