Një goditje e vetme në kraharor. Thika shkoi tejpërtej mishit deri pranë zemrës. Kështu iu shkaktua vdekja Dritan Malit.
Një gjë e tillë ndodhi rreth orës së drekës gjatë ditës së djeshme në një apartament në Carpeneda të Vobarnos pranë Breshias në Itali ku 37-vjeçari shqiptar, punëtor i Fondital, që kishte vite që jetonte në Itali dhe që përshkruhej si një punëtor i madh, jetonte me gruan dhe të birin tetë-vjeçar.
Por në përditshmërinë familjare ndërhyri kunati i Dritanit, Laert Kumalaku, i cili kishte pak që kishte ardhur në Itali. Dhe ka qenë pikërisht vëlla i gruas së tij që e goditi me thikë në fund të një sherri të ashpër. Karabinierët po hetojnë për ngjarjen. Sipas një versioni Laerti kishte ndërhyrë për të mbrojtur motrën Jerina, që duket se burri ishte gati ta godiste.
Laert Kumalaku, është marrë gjatë në pyetje nga policia dhe tani ndodhet në komisariat në Vorbano. Nuk përjashtohet që ndaj tij të merret shpejt një vendim i përkohëshm gjyqësor deri në përfundim të hetimeve.
