Kampionati Europian i futbollit zhvilohet çdo 4 vite që nga 1960, kur Bashkimi Sovjetik fitoi kampionatin e parë të organizuar nga Franca, vendi që mikpritur më shumë herë këtë kompeticion kontinental.
Në edicionin e këtij viti, që do të startojë në Francë më 10 qershor, do të luhen ndeshje që mund të mos thonë asgjë në një moment të parë, por që në fakt fshehin histori të mëdha: është rasti i Shqipëri-Zvicër dhe Hungari-Austri, për shembull, shkruan mediat Italiane, të cilët kanë krijuar kështu një klasifikim me ato që sipas tyre konsiderohen si 10 gjërat e çmendura të Europianit të futbollit.
Në ditën e dytë të Europianit, të shtunën më 11 qershor, do të luhet Shqipëri-Zvicër. Atë ditë, në stadiumin e Lens, mes titullarëve dhe rezervave plotë 6 lojtarë të Zvicrës do të jenë me origjinë shqiptaro -kosovare: Granit Xhaka, Valon Behrami, Blerim Dzemaili, Xherdan Shaqiri, Admir Mehmedi e Shani Tarashaj.
Granit Xhaka do të luajë kundër vëllait të tij të madh, Taulantit, mesfushorit të Shqipërisë dhe të bazelit. Nga ana tjetër, pesë lojtarë shqiptarë (përfshi këtu edhe Taultan Xhakën) luajnë aktualisht në kampionatin e zviceran të futbollit.
