Pavarësisht debateve të ashpra në sallën e Kuvendit mes deputetit Ben Blushi dhe socialistëve të tjerë, situata jashtë është kësaj salle shfaqet krejt ndryshe.
Në këtë video të postuar në rrjetin social “YouTube” dhe më pas në disa portale, thuhet se pamjet e filmuara jashtë ambienteve të Parlamentit, janë xhiruar një ditë më parë.
Në video, duket një takim miqësor mes deputetit Blushi dhe ministrit Ahmetaj, që gjatë seancës së djeshme plenare, debatuan mes tyre.
“S’ka emra të përveçëm që mbrohen nga një parti. Ke të drejtën tënde realisht që të përfitosh nga mungesa e opozitarit të përhershëm, nëse do bënim një debat tradicional je apo je socialist, një socialist kritikon, nuk baltos, është në interes të asaj që mbron partia, qeveria dhe aleanca e tij dhe nuk del të thotë njëlloj si ai”, iu drejtua Ahmetaj Blushit.
Ndërsa, Blushi tha se “me një fjalë sikur të kem mundësi do ta përdor për të rrëzuar Rilindjen”.
Në video, duket edhe Blushi teksa takon deputetin Anastas Angjeli dhe ministrin Ilir Beqaj.
