Edhe tre persona të tjerë, 2 prej të cilëve zyrtarë janë arrestuar nga Policia e Vlorës me urdhër të Prokurorisë për skandalin me falsifikimin e dokumenteve për 200 ha truall në Karaburun, i njohur si plazhi i Shën Vasilit.
Zyrtarisht bëhet me dije se në vijim të hetimeve që janë duke u zhvilluar nga ana e Prokurorisë Vlorë, në bazë të të cilit u sekuestruan 220 ha truall në Karaburun, mbi bazën e urdhrave të ndalimit të nxjerrë nga ana e Prokurorisë, mbrëmjen e djeshme, në datë 01.06.2016 janë ndaluar shtetasit:
– Blerina Dhrami, ish-nëpunëse e ZVRPP Vlorë. (aktualisht me funksion avokate në qytetin e Vlorës
– Rajmond Mezi, personi në emër të të cilit është regjistruar prona.
– Donika Besimaj, me detyrë përgjegjëse e arshivës pranë Gjykatës së Rrethit Gjyqësor Vlorë.
Personat e mësipërm janë ndaluar si të dyshuar për kryerjen e veprave penale të “Falsifikimit të dokumenteve” e kryer më shumë se një herë, në bashkëpunim, “Shpërdorim detyre”, “Pastrimi i produkteve të veprës penale ose veprimtarisë kriminale”.
Sekuestrohet plazhi i Shën Vasilit në Karaburun, ishte regjistruar me dokumente false
