Kujtim Terpollari, babai i shqiptarit që iu pre koka në Greqi është shprehur i tronditur pasi ka marrë vesh se mes autorëve ka qenë dhe kushuriri i viktimës.
Ai tregon se lajmin e ka marrë vesh nga mediat greke. Në një intervistë dhënë për “Gazeta Shqiptare”, tregoi me lot në sy se djali i tij e ka pasur si vëlla autorin e krimit.
“Emrin e personit që ka vrarë djalin tim e kam mësuar prej medias. Në momentin që dëgjova këtë kam ngrirë, jam shokuar nga tronditja. Kjo për faktin se Krenarin e njohim dhe biem kushërinj të largët me të. Ai e ka shtëpinë afër nesh. Pastaj e kam ushqyer me këto duar edhe pse mezi ngopja barkun e fëmijëve të mi me bukë, pasi jemi shumë të varfër. Është e tmerrshme të dëgjoj se personit që i kam dhënë bukën e gojës masakroi tim bir”¬ thotë ai. Sipas tij, kjo është vrasje e dytë për mua. “Në çdo moment pyes se pse ma bëri këtë personi që e mbajta në shtëpinë time dhe e kam trajtuar si fëmijën tim”¬ thote ai.
27¬vjeçarit u masakrua më 9 maj në fshatin Gliki të Igumenicës. Dy persona të tjerë të dyshuar si pjesëmarrës në ngjarjen e rëndë janë arrestuar nga policia greke. Bëhet fjalë për dy 28¬-vjeçarët nga Tepelena, Emiljano Nana dhe Pajtim Jaupi.
