“Do rrimë të gjithë këtu te porta dhe mund të shkojmë në TEC-e të bllokojmë Nen/Stacionin elektrik që furnizon me energji të gjithë jugun si dhe stacionin e ujit të pijshëm në Poçëm”.
Kështu kanë vendosur ta vijojnë protestën e tyre punëtorët e Kombinatit të Përpunimit të Thellë të Naftës në Ballsh. Prej disa kohësh ata kanë përshkallëzuar protestën në kërkim të pagave të tyre.
Protestës sot iu bashkuan rreth 500 punëtorë të cilët nuk kanë marrë rrogat prej 10 muajsh.
Sekretari i Sindikatës së përpunuesve të naftës, Gjergji Selmani, tha për Ora Neës se protesta është dhe një thirrje për Qeverinë që të rivendosë në punë kompaninë ARMO.
