Policia e Shkodrës ka arrestuar një person nga Shkodra pasi i ka sekuestruar armë, fishekë, barut dhe kapsolla.
Rrok Rrotani, 50 vjeç, banues në fshatin Rranxa Bushat, u ndalua ditën e djeshme, mbi bazën e informacioneve të marra nga policia se kishte armë në banesë.
Gjatë kontrollit të ushtruar në banesën e tij u gjetën dhe sekuestruan në cilësinë e provës materiale një armë zjarri automatik model 56; një armë gjahu pa leje, 706 fishekë, 1100 kapsolla, katër qese me barut dhe katër qese me saçme. Në ngarkim të tij materialet i kaluan Prokurorisë së Shkodrës për veprat penale “Prodhim dhe mbajtja pa leje e armëve luftarake dhe e municionit” dhe “Prodhim dhe mbajtje pa leje e armëve të gjuetisë dhe sportive”.
