Aksidenti i rëndë që i morri jetën vogëlushes 3 vjeçare tek zona e njohur si Fresku është rënduar edhe më shumë.
Nga aksidenti mbetën të plagosur dhe prindërit e vajzës, ku mësohet se gjëndja e babait të saj ka qenë e rëndë. Mjekët nuk kanë pasur zgjidhje tjetër për t’i shpëtuar jetën dhe në këtë mënyrë 44¬ vjeçari ka mbetur i gjymtuar.
Aksidenti i rëndë automobilistik që i mori jetën një vajze vetëm 3 vjeçe, e cila po ecte në trotuar bashkë me dy prindërit, ndodhi rreth orës 17:30 të së hënës në zonën e njohur si Fresku. Një automjet i ka goditur prindërit dhe vajzën e mitur, kur sapo kishin dalë nga supermarketi dhe ndodheshin në trotuar.
Vajza e mitur E.Shallari ndërroi jetë menjëherë për shkak të goditjes së fortë nga makina, ndërsa babai i saj. Gjendja shëndetësore e tij është përkeqësuar gjatë natës duke gdhirë dita e djeshme.
Ndërsa nëna e së miturës mësohet se është jashtë rrezikut për jetën, pasi plagët kanë qenë sipërfaqësore, megjithatë duket se ngjarja ka lënë pasoja të rënda psikologjike tek ajo. Pas mjekimit pasditen e së hënës, 40¬vjeçarja është kthyer në banesë, por gjatë gjithë kohës një mjek është kujdesur për gjendjen e saj, pasi herë pas herë ajo humbiste ndjenjat.
