Tre të rinj janë arrestuar pasi kanë sulmuar dy efektivë policie me mjete të forta dhe kaçavida. Kjo ngjarje e rëndë ka ndodhur ditën e sotme në FushëKrujë.
Sipas njoftimit të policisë, njëri prej agresorëve, madje ka tentuar të vrasë një prej efektivëve. Menjëherë kanë ardhur përforcimet dhe kanë parandaluar vrasjen.
Të arrestuarit janë: Armando Stafasanin, 25 vjeç; Klajdi Stafasanin, 28 vjeç dhe Gentian Albrahimin, 21 vjeç, të tre banues në Fushë¬ Krujë. Makina drejtohej nga Klajdi Stafasani dhe po lëvizte me shpejtësi, tej normave të lejuara.
Klajdi Stafasani ka tentuar ta godasë me kaçavidë njërin nga punonjësit e Policisë e në vijim i kanë kundërshtuar, kanosur dhe goditur me grushte, efektivët G.H. 35 vjeç, banues në Tiranë dhe D.Ç. 22 vjeç, banues në Fushë¬Krujë. Atyre iu sekuestruan mjeti tip Smart me targa AA 771 LP; mjeti tip Golf me targa AA 800 NF dhe një kaçavidë. Që të tre të rinjtë janë persona me precedentë penale të mëparshëm në fushën e veprave penale kundër jetës dhe pronës.
