Partia Socialiste Kavajë ka mbledhur mbështetësit e saj pasditen e sotme, kësaj radhe për t’u solidarizuar me kreun e bashkisë tashmë të dorëhequr, Elvis Rroshi.
Pas këtij tubimi, Rroshi ka publikuar në facebook edhe 2 foto nga tubimi i mbështetësve të tij.
“Sheshi që më mbush zemrën plot. Të marrësh mbështetjen e qytetit që je lindur dhe je rritur, në këtë formë që e mora sot, ishte momenti më i lumtur i viteve të mia në angazhim publik dhe më bëri të harroj çdo shigjetë që përpiqen të ngulin drejt meje.#kokenlartkrenar”, shkruan ai.
Gjatë fjalës së mbajtur para simpatizantëve, Rroshi deklaroi se do të vijojë betejën e tij ligjore në Itali dhe se do të rikandidojë.
Rroshi dha dorëheqjen sot pasi rezultoi i dënuar në Itali për përdhunim.
