Dokumentat e reja të zbuluara tregojnë se aktorja Amber Heard ka qenë e martuar më parë me ish-të dashurën e saj, Tasya Van Ree, përpara se të lidhte kurorë më Johnny Depp.
Në atë përiudhë martesat gay nuk ishin të ligjshme, ndërkohë që dy vajzat kanë bërë të pamundurën që kjo martesë të njihej ligjërisht, shkruan “The Mirror”.
Gazeta raporton se ka në dispozicion dokumentet ligjore që tregojnë për martesën e dy vajzave 8 vite më parë, ndërkohë që të ftuarve iu kërkua ta mbanin sekret. Në mars të vitit 2008, Amber ndryshoi edhe mbiemrin e saj, nga Heard në Van Ree.
Mësohet që marrëdhënia e Amber me ish-të dashurën e saj ka qenë një nga shkaqet e kërkesës për divorc me aktorin Johnny Depp. Po ashtu, edhe shoqëria e saj me modelen Cara Delevigne, e cila ka deklaruar publikisht prirjet e saj biseksuale, mendohet se ishte një tjetër detaj që ka ndikuar në divorcin e tyre.
Divorci midis Amber Heard dhe Johnny Depp sa vjen edhe po bëhet më i vështirë, duke nxjerrë në dritë fakte dhe detaje të reja.
