Rreth 3 javë pas vrasjes makabre të 26-vjeçarit shqiptar Bledar Terpollari në Igumenicë, të cilit iu pre dhe koka, policia greke ka lëshuar 3 urdhër-arrestet për 3 autorët e dyshuar.
Mësohet se urdhër-arrestet janë firmosur nga prokurori i Igumenicës. Një prej të akuzuarve për vrasjen e 26-vjeçarit është bariu shqiptar, Emiljano Nana, 28 vjeç nga Tepelena. Ai prej disa ditësh është ndaluar nga policia, si fillim në cilësinë e dëshmitarit e më pas si i dyshuar.
Po ashtu, i ndaluar është edhe një person tjetër, emri i të cilit nuk bëhet i ditur për shkak të hetimit, ndërsa personi i tretë dyshohet se ndodhet në Shqipëri. Ngjarja e rëndë, e cila ndodhi më 9 maj, kishte si motiv konliktin për prishjen e pazareve të drogës.
