Pak orë pas vrasjes së ndodhur sot në zonën e Kombinatit ku një 54-vjeçar humbi jetën pasi u qëllua me thikë gjatë një konflikti, policia ka arrestuar autorin e dyshuar, i cili mësohet se ka pranuar krimin.
Sipas burimeve, është vënë në pranga shtetasi Alban Hyka. Ndërsa policia ishte vënë në ndjekje të tij duke e arrestuar në Ndroq, Hyka nuk ka bërë rezistencë forcave të rendit ndërsa pasi është marrë në pyetje nga grupi hetimor i çështjes ka pranuar krimin
54-vjeçari Luan Konfrencka mbeti i vrarë me thikë paraditen e sotme, pasi një konflikti në rrugën “Llambi Bonata” me shtetasit Alban Hyka dhe Vladimir Ismailaj.
Mësohet se shkak për konfliktin ka qenë lokali poshtë banesës së viktimës që ishte në pronësi të Ismailaj, kunat i autorit të dyshuar Alban Hyka.
Palët prej kohësh ishin në konflikt pasi 54-vjeçari ishte ankuar disa herë për zhurmat por nuk ka patur ndërhyrje nga policia.
