Kapiteni i Kombëtares Lorik Cana ka konfirmuar se sezonin e ardhshëm do të largohet nga francezët e Nantes por pa zbuluar të ardhmen e tij.
Së fundmi është skuadra zvicerane, Lausanne-Sport, e cila ka shfaqur interesim për Lorik Canën.
Interesimin për Canën e ka konfirmuar presidenti i skuadrës zvicerane, Alain Joseph i cili theksoi se është takuar me babain e lojtarit kuqezi.
“U takova me babain e Lorikut (Agimin), për të diskutuar dy çështje të tjera. Sigurisht, më pas shfrytëzova këtë mundësi që të flisja edhe për rastin e Lorikut. Megjithatë, duket se ai tërhiqet më shumë nga ideja e një destinacioni të ri jashtë kontinentit evropian. Por, nëse ai në mënyrë të papritur do të vendoste të na bashkohej, gjë e cila duket e paimagjinueshme tani, unë do ta prisja krahëhapur”, tha Joseph për ‘24heures’.
