Surpriza e ditës së sotme ka ardhur nga Augsburgu ku një stuhi, në kuptimin e parë të fjalës, por edhe në kuptimin metaforik, ka goditur Gjermaninë, me Sllovakinë që ka fundosur me përmbysje skuadrën e Low falë golave të Hamsik dhe Kucka. Ndërsa Spanja ka mundur 3-1 Bosnje Hercegovinën falë një dygolëshit të Nolito-s.
GJERMANI-SLLOVAKI 1-3 Një Gjermani me shumë ndryshime në formacion, me dy debutues titullar (Leno dhe Kimmich), është dorëzuar para Sllovakisë. Ndeshja ka filluar mirë për gjermanët me një penallti të fituar pas një faulli të Kucka-s ndaj Gotze-s, që është transformuar në gol nga Mario Gomez. Por rezultati është përmbysur para fundit të pjesës së parë. Në fillim ka qenë Hamsik që ka dërguar topin në trekëndësh me një të djathtë të mrekullueshme, më pas Duris ka realizuar me kokë, duke befasuar Leno-n, i cili nuk ka qenë pa përgjegjësi në rastin e golit. Pjesa e dytë ka filluar me vonesë për shkak të reshjeve të mëdha të shiut dhe, në një fushë pothuajse të përmbytur, Kucka ka realizuar golin e tretë falë një gafe të Ter Stegen.
SPANJË-BOSNJE 3-1 Dy titullarë në fushë, ndoshta tre, duke parë paraqitjen e Nolito-s, i cili me dy golat e tij të parë me kombëtaren ka hedhur kandidaturën për një rol si protagonist në Europian. Ylli i Celta Vigo-s, që do të jetë një nga lojtarët më të kërkuar këtë verë, e ka kaluar me sukses provën me Bosnjen. Goli i avantazhit ka qenë një goditje e bukur me të djathtën, por deri këtu nuk ka asgjë të jashtëzakonshme, ai i dyfishimit ka qenë një goditje perfekte parabël, të ekzekutuar brenda zonës së rreptësisë pasi ka parë daljen e portierit nga porta. Një magji. Spahic ka ngushtuar diferencat me një goditje me kokë para se Pedro të fiksonte shifrat në 3-1 në minutën e 95-të.
