Një sasi e konsiderueshme lënde eksplozivi është gjetur në oborrin e një hoteli në Elbasan.
Sipas policisë, lënda plasëse është gjetur e pashpërthyer. Eksplozivi ishte vendosur për të shkaktuar dëme materiale, por nuk ka shpërthyer.
Në vendin e ngjarjes kanë mbërritur forca të shumta policie dhe kanë nisur hetimet për ngjarjen.
Grupi hetimor do të analizojë kamerat e sigurisë së hotelit për të identifikuar personat që kanë vendosur lëndën plasëse. Hoteli ku u gjet tritoli ndodhet pranë stadiumit ‘Elbasan Arena’.
