Një aksident në punë ka ndodhur rreth mesditës së sotme në një kantier ndërtimi në rrugën “Raiale”, në zonën industriale të Pescara-s, ku një shqiptar ka mbetur i plagosur rëndë.
32-vjeçari me iniciale E.K. ishte duke punuar në një çati, por një pjesë e saj u rrëzuar, duke bërë që shqiptari të bjerë nga 6 metra lartësi.
Mediat lokale shkruajnë se 32-vjeçari u transportua në spital, por pavarësisht se ai ishte koshient në momentin kur erdhi ambulanca, ndodhet në gjendje kritike për jetën.
Ndërkohë, policia po punon për zbardhjen e ngjarjes.
