Një vajzë e re, e cila braktisi studimet dhe udhëtoi drejt Sirisë për të luftuar xhihadistët e Shtetit Islamik, tha se ata vriten lehtësisht.
Joanna Plaani, 22 vjeç, la studimet për shkenca politike dhe u bë luftëtare kurde në një rajon të shkatërruar nga luftimet.
Pas një viti luftimesh, ku mësoi edhe vajzat se si të luftojnë, ajo është kthyer në vendin e saj, në Danimarkë.
“Luftëtarët e ISIS vriten lehtësisht,” tha ajo duke qeshur. Ajo ka mësuar të përdorë armën që kur ishte 9 vjeç.
Atje, në Siri, ka përjetuar tmerrin e luftës. Joanna thotë se një prej viktimave të ISIS, ishte një 11-vjeçare. Ajo mbeti shtatzënë me binjakë me xhihadistët e ISIS. Më vonë humbi jetën pasi nuk e mbante dot shtatzëninë.
