Google ka lëshuar një version të përditësuar të aplikacionit për iOS sot, duke pretenduar se aplikacioni tani është më i shpejtë dhe i hapë artikujt e rinj menjëherë. Google thotë se me përmirësimet e bëra në aplikacion, përdoruesit do të kursejnë plot 6.5 milionë orë të kombinuara këtë vit.
“Çdo herë që e hapni aplikacionin ose bëni një kërkim, çdo gjë do të hapet më shpejtë”, tha Tamar Yehoshua, zëvendës president i menaxhimit të produkteve.
Në mënyrë që aplikacioni të krijojë ndjenjën e shpejtësisë tek përdoruesit, disa artikuj që shfaqen në kërkim do të hapen shumë më shpejtë.
