Kanë mbërritur në spitalin e Traumës dhe në QSUT 10 të lënduar nga shpërthimi i autobusit në qendër të Krujës.
Me helikopterin e parë janë transportuar 8 të plagosur që ndodheshin në në gjendje të rëndë. Ndërkohë kanë mbërritur me helikopterin e dytë dhe dy gra të plagosura të cilat janë dërguar në QSUT. Ato janë në gjendje më të stabilizuar se 8 të tjerat që ndodhen.
Në stitalin e traumës ka shkuar edhe ministri i Shëndetësisë Ilir Beqaj.
Mbërrin helikopteri i dytë me të plagosur në Repartin e Djegie Plastikës në QSUT.
Rëndohet bilanci i djegies së autobusit me besimtarë në qytetin e Krujës mesditën e sotme. Dyshohet se mund të jenë dy viktima. Këtë e ka konfirmuar drejtori i Spitalit të Krujës i cili tha se një person ka humbur jetën rrugës për në spital teksa një tjetër në vendngjarje megjithatë sipas tij kjo pritet të konfirmohet.
Drejtori i Spitalit të Krujës Arbër Kurti, në një komunikim me “Neës24”, tha se në spitalin e tij mbërritën gjithsej 8 të lënduar, 5 prej tyre të lënduar më lehtë dhe 3 në gjendje të rëndë, por sipas tij të gjithë janë nisur drejt Tiranës për shkak të djegieve të marra. Sipas tij, dyshohet se ka 2 viktima.
