Ne betohemi për dashuri të përjetshme dhe e nisim familjen me qëllimin për ta kaluar jeten se bashku, por shpesh hasim në problem dhe debate.
Nuk ka një recetë për një martesë të lumtur, por sigurisht ekzistojnë disa këshilla se si një martesë të udhëhiqet nga dashuria.
1. Bisedoni. Biseda mes partnerëve është mënyra më e mirë për të ndërtuar një martesë të lumtur, sepse u mundëson bashkëshortëve një krahasim të vazhdueshëm dhe gjithashtu mundësinë për të kuptuar çfarë është e gabuar.
2. Zhvilloni aktivitet në çift. Për një martesë të lumtur nuk është e nevojshme për të jetuar në simbiozë dhe të bëni çdo gjë së bashku, por me siguri mund të jetë e rëndësishme për të ndarë kënaqësinë e aktiviteteve të caktuara. Gatuani së bashku, shkoni në një kurs, sport, etj. Aktivitete që mund të jenë mjete të efektshme për të forcuar stabilitetin e çiftit dhe për t’u ndjerë gjithmonë mirë së bashku.
3. Një hapësirë për vete. Në të njëjtën kohë mund të jetë e dobishme që të rrisni hapësirën tuaj dhe partneri të veten. Një mbrëmje me miqtë, një hobi personal ose një udhëtim për pazar, gjëra të thjeshta por që ndihmojnë për të ruajtur autonominë tuaj dhe personalitetin.
4. Mëso artin e kompromisit. Ndoshta ky është aspekti më i vështirë në një marrëdhënie martesore dhe ende është i një rëndësie jetike. Kompromisi do të thotë të të mësuarit për të pranuar anët e partnerit, me të cilat nuk je dakord dhe të qenit në gjendje nganjëherë për të lënë mënjanë nevojat e tua për t’u përpjekur dhe të akomoduar nevojat e njëri-tjetrit, në një akt balancues që shtrihet fuqishëm, por në thelb është i nevojshëm.
5. Kaloni momente në çift. Së fundi, mos hiqni dorë nga momentet romantike si kur ishit të dashur. Edhe nëse keni fëmijë nuk duhet të lejoni që rutina e përditshme t’ju zbehë pasionin në çift.
